धरान रंगशालाको निर्माणलाई तीव्रता दिइँदै राखेप र नगर खेलकुद विकास समितिको प्राथमिकतामा रंगशाला

  • प्रकाशित मितिः श्रावण 14, 2075
  • मधेश स्पेशल
  • 1393 पटक पढिएको

धरान/ लामो समयदेखि निर्माणाधीन धरान–१६ स्थित रंगशालामा राष्ट्रिय खेलकुद परिषद र नगर खेलकुद विकास समिति दुवैले बजेट लगानी गरेर निर्माण कार्यलाई तीव्रता दिएका छन् ।

गत आर्थिक वर्षमा परिषदले कुल १ करोड ७९ लाख लगानी गरेको थियो भने चालु आर्थिक वर्षको शुरुमा नै नगर खेलकुद विकास समितिले ५ लाख बढीको लगानी गरिसकेको छ । परिषद्ले गुरुयोजना बनाएर पुनर्निमाण थालेको ८ वर्ष भइसक्दा पनि अझै रंगशालाले पूर्णता भने पाउन सकेको छैन । रंगशालाको निर्माण कार्य पूरा नहँुदा धरानको महत्वपूर्ण खेलकुद गतिविधि एवं प्रतियोगिता (बुढासुब्बा गोल्डकप) समेत लामो समय यहाँ हुन सकेको थिएन । निर्माण कार्य अधुरो भए पनि २० औं संस्करण भने धरान फुटबल क्लबले यही रंगशालामा गरेको थियो ।

गत आर्थिक वर्षमा राखेपले उत्तर पश्चिममा १ करोड ३९ लाखमा २ वटा प्याराफिट ब्लक, मैदानमा ८ लेनको ट्रयाक छोडेर फेन्सिङ, मैदानमा सरदर ६ इञ्च माटो भरेर लेभलिङको काम गरेको थियो ।

यस्तै, थप ४० लाख बजेटमा पूर्वतर्फ एउटा प्याराफिटको जग हाल्ने काम पनि गत आर्थिक वर्षमा सम्पन्न भइसकेको परिषदका साइट इञ्जिनियर केवल परियारले जानकारी दिए ।

उनका अनुसार यी सबै गुरुयोजना अनुसारकै संरचना बनेका हुन् । ‘यो वर्ष पनि पूर्वतर्फको प्याराफिट तयार हुन्छ, अहिलेसम्म रंगशालामा ७ हजार हाराहारीमा दर्शक अट्ने प्याराफिट तयार भइसकेको छ,’ उनले भने ।

रंगशालामा राखेपको मात्र लगानी भएको छैन । चालु आर्थिक वर्षको शुरुवातमै नगर खेलकुद विकास समितिले पनि ५ लाख बढीको लगानीमा मैदानमा घाँस रोपिरहेको छ । घाँस रोप्ने उपयुक्त समय भएकाले आर्थिक वर्षको शुरुमै लगानी गरिएको समितिले जनाएको छ । परिषद्ले मैदानमा सरदर ६ इञ्च माटो भरेर लेभल मिलाइदिएको थियो । अहिले वर्षाको समय भएकाले त्यसमाथि घाँस रोप्ने काम भइरहेको समितिका संयोजक सुवास राईले बताए । ‘मैदानमा घाँस रोप्नको लागि धरान फुटबल क्लबलाई संयोजनको जिम्मा दिएका छौं, क्लबले नै कुमारखत सामुदायिक वनबाट घाँस ल्याएर रोपिरहेको छ । यसमा ५ लाख बजेट छ,’ उनले भने ।

क्लबका महासचिव प्रताप तामाङका अनुसार अबको २ महिनाभित्रमा घाँस सरेर रंगशालाको खेल मैदान उपयुक्त हुनेछ । मैदानको संरक्षणमा जोड दिँदै उनले दैनिक प्रयोग गर्न नदिई प्रतियोगिताको लागि मात्र उपयोग हुनुपर्ने बताए ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

सुखीपुरमा जिउँदो माछा पसल संचालन, पसलमै अक्सिजन जडित पोखरी

मनिषा मण्डलसुखीपुर (सिरहा) / सफा पानीमा पौडिएका माछा देखेपछि ग्राहकहरु खुला ह्रदयले खरिद गर्न इच्छुक भएका

आज वट सावित्री पुजाः  पतिको दीर्घायुको लागि बर रूख मुनि विवाहित महिलाको भीड

मनिषा कुमारी मण्डल   जनकपुरधाम  । आज अर्थात शुक्रवार विवाहित महिलाको दीर्घायु र सन्तान सुखको कामना गर�

सुखीपुरका आगलागी पिडितलाई राहत सामाग्री सहयोग

रोयाण्टर मण्डलसुखीपुर (सिरहा) /  सिरहाको सुखीपुर नगरपालिकामा आगलागीबाट पिडित भएको परिवारलाई राहत सामाग�

सुचना तथा प्रसारण विभाग: ९७८–२०७५/७६

Copyright © 2013 / 2023 - Madheshspecial.com All rights reserved

प्रेस काउन्सिल नेपाल: २४६–२०७५/७६