सप्तकोशीको जेटबोट भन्दा तालतलैयाको मोटरबोट १५ गुणा सस्तो बाह्रैमास सञ्चालन गर्न ४ मोटरबोट चालक तयार

  • प्रकाशित मितिः श्रावण 18, 2075
  • विराट अनुपम
  • 737 पटक पढिएको

इटहरी/ प्रदेश १ को सप्तकोशी नदीमा व्यावसायिक रूपमा सञ्चालित जेटबोट हाल बाढीको कारण बन्द छ । तर, इटहरीको तालतलैयामा भने जेटबोटको तिर्खा मेट्न मोटरबोट सञ्चालनमा आएको छ । प्रदेश १ को केन्द्रीय सहर इटहरीमा रहेको तालतलैयाको मोटरबोट सप्तकोशीको जेटबोट भन्दा सस्तो भएपछि भीड बढ्न थालेको छ । सप्तकोशी जेटबोटले आउजाउ गरेको १ हजार ५ सय रुपैयाँसम्म लिने गरेकोमा तातलैयाको मोटरबोटले भने १ सय रुपैयाँ मात्रै लिँदै आएको छ ।

सप्तकोशीको जोखिमपूर्ण यात्रा र लामो रुट अनि लगानी भएकाले १ हजार ५ सयसम्म लिने सञ्चालकहरूको तर्क छ । तर इटहरीको तालतलैयाको मोटरबोट सञ्चालकहरू भने महँगोमा केही टिकट बेच्ने भन्दा सस्तोमा धेरै टिकट बेचेर सर्वसाधारण र सञ्चालकहरूलाई सहज बनाइने बताउँछन् । तालतलैया व्यवस्थापन समितिका अध्यक्ष वीरबहादुर लिम्बू भन्छन्, ‘हामीले प्रदेश १ कै पहिलो व्यावसायिक मोटरबोट सञ्चालनमा ल्याएका छौँ । यो महँगो भएमा धेरैले चढ्न पाउँदैनन् । त्यही भएर हामीले १ सय मात्रै लिने निर्णय गरेका छौँ ।’ सहुलियतमा सञ्चालन भएको मोटरबोट प्रदेश १ का मुख्यमन्त्री शेरधन राईले आफैँ चढेर उद्घाटन गरेका थिए ।

इटहरीको वडा नम्बर २ र ३ मा फैलिएको पर्यटकीय जलाधार क्षेत्र तालतलैयामा शनिबारबाट सञ्चालनमा आएको मोटरबोट १० सिट क्षमताको छ । व्यवस्थापन समितिका अनुसार मोटरबोटले ५ मिनेटसम्म तालतलैया क्षेत्रमा एक फन्को लगाउँछ ।

न्यूनतम ४ फिट गहिरो पानीमा सञ्चालन गर्न सकिने मोटरबोटका लागि तालतलैया क्षेत्रको प्राकृतिक पानी उपयुक्त भएको मोटरबोट चालक धनबहादुर पाण्डेले बताए ।

मोटरबोट चलाउन ४ चालकको ब्याकअप
सामान्यतया जलमार्गमा चल्ने सवारी चालकहरूको अभाव नेपालमा छ । अरू त अरू सप्तकोशीमा जेटबोट चलाउने चालकहरू पनि जम्मा २ जना मात्रै छन् । तर, इटहरीमा भने मोटरबोट चलाउन ४ चालकहरूको ब्याकअप राखिएको छ । बिशुधन राई, धनबहादुर पाण्डे, लली दाहाल र प्रकाश राई मोटरबोट चलाउन जान्ने चालकहरू रहेका छन् ।

व्यवस्थापन समिति अध्यक्ष वीरबहादुर लिम्बूका अनुसार कुनै एक चालक काम विशेषले अनुपस्थित हुँदा चालक अभाव नहोस् भनेर ४ चालकको ब्याकअप राखिएको हो । उनी भन्छन्, ‘जनशक्तिकै अभावले कसैले पनि मोटरबोट चढ्नबाट विमुख नहुनु परोस् भनेर यसो गरिएको हो ।’

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

प्रदेशकै नमुना उपभोक्ता समिति , स्टिमेट भन्दा बढी काम गरेता पनि बचत भयो ९ लाख ३५ हजार रुपैयाँ

विन्दे यादवसुखीपुर (सिरहा) / नेपालमा भ्रटाचार भए रहेको खवर बारम्बार संचार माध्यमबाट समाचार सुनी रहनु हुन्

विद्यापति पुरस्कार पाउने पाँच जना स्रष्टाहरुको नाम सार्वजनिक

विन्दे यादवसुखीपुर (सिरहा) । नेपाल विद्यापति मैथिली भाषा साहित्य पुरस्कार साहित्यकार रमेश रञ्जन झालाई प्

सुखीपुरमा नेकपा एमाले र नेपाली काँग्रेस बीचको गठबन्धन विजयी

रोयाण्टर मण्डलसिरहा । सुखीपुर नगरपालिकाको नगर कार्यपालिका चुनावमा नेकपा एमाले र नेपाली काँग्रेस बीचको

सुचना तथा प्रसारण विभाग: ९७८–२०७५/७६

Copyright © 2013 / 2022 - Madheshspecial.com All rights reserved

प्रेस काउन्सिल नेपाल: २४६–२०७५/७६