सिरहामा बस दुर्घटना, १० जना घाइते ना ४ ख ६२७ नम्बरको बस जिरो माइल सडक खण्डमा दुर्घटनामा परेको हो

मुकेश यादव
बरियारपट्टी / सिरहा जिल्लाको बरियारपट्टी बाट जिरोमाईल सडक खन्ड स्थिति धनगढीमाई नगरपालिका ४ जयपुरमा आज बिहीबार बस दुर्घटनामा पर्दा १० जना घाइते भएका छन् । ना ४ ख ६२७ नम्बरको माँ दुुर्गा भगवती बस जिरो माइल सडक खण्डमा दुर्घटनामा परेको हो ।

दिउँसो करिब साढे १ बजेतिर भएको दुर्घटनामा परी घाइते हुनेमा मुसहरनियाकी पवित्री महरा, मल्हानियाका उर्मिलादेवी राम, तारादेवी राम, दुखिनीदेवी राम, रन्जीतकुमार राम, सन्तोष कुमार राम, मीनादेवी राम, महावती राम, खजनपुरका लक्ष्मण दासलगायत छन् ।

तेमध्ये उर्मिला र रन्जीतको अवस्था गम्भीर छ । उनीहरुको टाउको फुटेको प्रहरीले जनाएको छ । घाइते सबैको जिरो माइलस्थित महाबुद्ध हस्पिटलमा उपचार भइरहेको छ । ४० जना सवार बस स्टेरिङ फेल भई दुर्घटनामा परेको इलाका प्रहरी कार्यालय धनगढीले जनाएको छ । प्रहरीले घटनाबारे थप अनुसन्धान भइरहेको जानकारी दिएको छ ।