कर्मचारीकै मिलेमतोमा काठ तस्करी

  • प्रकाशित मितिः बैशाख 5, 2076
  • 1088 पटक पढिएको

रामभरोषी यादव
सिरहा / जिल्ला वन कार्यालय लहानले मिर्चैया नगरपालिका ६ मटिअर्वाबाट ठूलो परिमाणमा कर्मा जातको काठ बरामद गरेको छ ।

लोपोउन्मुख तथा काट्न प्रतिवन्ध गरिएको ‘कर्मा’ जातको काठ बरामद् गरेको जिल्ला वन कार्यालय लहानका सहायक वन अधिकृत अभरेन्द्र यादवले जानकारी दिए ।

काट्न प्रतिवन्ध रहेको ५० थान गोलिया करिव २ सय ५० क्यूफिट काठ वेवारिसे अवस्थामा फेला परेको जिल्ला वन कार्यालय सिरहाले जनाएको छ । जिल्ला वन कार्यालयले काठ कसको भन्ने विषयमा अनुसन्धान गरिरहेको जनाएको छ । स्थानीयले भने काठ रहेको स्थानसँगै जोडिएको रमन सःमिलको काठ भएको बताएका छन् । तर मिल सञ्चालक ब्रम्हदेव मण्डलले उक्त काठ आफ्नो नभएको बताए । ‘मैले यो काठ ७ महिना यहाँ देखिरहेको छु, कसको काठ हो, मलाई थाहाछैन’ उनले भने ।

उक्त काठ मिर्चैया ९ रमपुराका देवशंकर यादवको रहेको बताइएको छ । उनले सोही वडाका रमन झालाई विक्री गरेको नाम नबताउने शर्तमा एक स्थानीयले बताए । मिल सञ्चालक र काठ धनीबीच कुरा नमिलेपछि काठ सार्वजनिक भएको स्थानीयको भनाई छ ।

सेक्टर वन कर्यालय मिर्चैयाबाट करिव एक किलोमिटरको दुरीमा उक्त काठ भेटिएको हो । तर, बन कार्यालयका प्रमुख रेन्जर झरोखी साहले आफूलाई त्यहाँ काठ रहेको सूचना यसअघि नआएको बताए ।

उनले भने, ‘हामीलाई यसअघि त्यहाँ काठ छ भन्ने जानकारी नै थिएन, जिल्लाले खवर गरेपछिमात्र थाहा भयो’ उनले आफू विदामा रहेको भन्दै काठ पक्राउको विषयमा अन्य कर्मचारीसँग बुझ्न अनुरोध गरे । स्थानीयले वन कर्मचारीकै मिलेमतोमा मिर्चैया क्षेत्रमा काठको चोरी निकासी हुने गरेको बताए । जिल्ला वन कार्यालयले यस विषयमा मिर्चैया वन प्रमुखसँग लिखित स्पष्टिकरण लिने जनाएको छ ।

 

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

प्रदेशकै नमुना उपभोक्ता समिति , स्टिमेट भन्दा बढी काम गरेता पनि बचत भयो ९ लाख ३५ हजार रुपैयाँ

विन्दे यादवसुखीपुर (सिरहा) / नेपालमा भ्रटाचार भए रहेको खवर बारम्बार संचार माध्यमबाट समाचार सुनी रहनु हुन्

विद्यापति पुरस्कार पाउने पाँच जना स्रष्टाहरुको नाम सार्वजनिक

विन्दे यादवसुखीपुर (सिरहा) । नेपाल विद्यापति मैथिली भाषा साहित्य पुरस्कार साहित्यकार रमेश रञ्जन झालाई प्

सुखीपुरमा नेकपा एमाले र नेपाली काँग्रेस बीचको गठबन्धन विजयी

रोयाण्टर मण्डलसिरहा । सुखीपुर नगरपालिकाको नगर कार्यपालिका चुनावमा नेकपा एमाले र नेपाली काँग्रेस बीचको

सुचना तथा प्रसारण विभाग: ९७८–२०७५/७६

Copyright © 2013 / 2022 - Madheshspecial.com All rights reserved

प्रेस काउन्सिल नेपाल: २४६–२०७५/७६