सुखीपुर नगरपालिकाको गाडीको ठक्करले साईकल यात्री घाईते

रोयाण्टर मण्डल

सिरहा / सुखीपुर नगरपालिकाको गाडीबाट ठक्कर लागेर एक साइकल यात्रीलाई गभिर घाईते भएका छन् ।

शनिवार साँझ सुखीपुर आउदै गरेको क्रममा बिष्णुपुर गाउँपालिका वडा नम्बर ५ लक्ष्मीपुर चौकमा सुखीपुर नगरपालिकाको मातहतमा रहेको बा.२ झ २३१६ नम्बरको गाडीले विपरीत दिशाबाट आउदै गरेको सिरहा नगरपालिका वडा नम्बर ९ गुलरिया बस्ने ३८ वर्षीय साइकल यात्री सतिराम ठाकुरलाई ठक्कर लागेपछि घाइते भएको थियो ।

घाईते भएको ठाकुरको उपचार बिराटनगर स्थित न्यूरो अस्पतालमा भए रहेको छ भने धनगढीमाई नगरपालिका वडा नंम्बर ८ बस्ने ३३ वर्षीय चालक पवन कुमार महतोलाई ईलाका प्रहरी कार्यालय बिष्णुपुरको नियन्त्रणमा रहेको जिल्ला प्रहरी कर्यालय सिरहाले जानकारी दिनुभयो ।

शनिवार भौतिक पूर्वाधारमन्त्री रघुवीर महासेठले सिरहामा विभिन्न स्थलमा ६ योजनाको शिलान्यास गर्न आएपछि उहाँकै कार्यक्रममा गाडी पठाएको सुखीपुर नगरपालिकाले जानकारी गराउनुभयो ।