लागुऔषध सहित दुईजना पक्राउ

राजेन्द्र महतो

लहान । सिरहा को लहान नगरपालिका- १९गाढा बाट इलाका प्रहरी कार्यालय लहान ले लागुऔषधसहित दुईजनालाई पक्राउ गरेका छन्।

 

इलाका प्रहरी कार्यालय लहानबाट खटिएको प्रहरीटोलीले लहाननगरपालिका- १९ गाढाको आँप बगैचाबाटचेकजाँचगर्ने क्रममा पक्राउ गरेको हो।

 

पक्राउ पर्नेमा लहान नगरपालिका -३ का २६ वर्षीय प्रवीण कुमार यादव र सोही नगरपालिका -८ का २९ वर्षीय अर्जुन कुमार महतो रहेको प्रहरीले बताएको छ।

 

पक्राउ परेका यादव स७प९३९१ नम्बरको मोटरसाइकल चलाउँदै आइरहेको थियो भने अर्को महतो मोटरसाइकल को पछाडी बसेर ५ लिटरको प्लाष्टिक ग्यालिनमा लागुऔषध बोकेका थिए।   

 

यादव र महतो लाई इलाका प्रहरी कार्यालय लहान मा राखिएको छ। उनीहरुको साथमा रहेको मोटरसाइकल तथा ३ थान मोबाइल पनि नियन्त्रण मा लिएको जिल्ला प्रहरी कार्यालय सिरहा का प्रहरी प्रवक्ता तथा डिएसपी माधवराज खरेलले बताएका छन ।