तातोपानी नाका अर्को साता खुल्छ : चीन

नेपालका लागि चीनका राजदूत होऊ यान्छीले तातोपानी नाका अर्को साताबाट खुल्ने जनाएकी छन् । दूतावासद्वारा बिहीबार आयोजित पत्रकार सम्मेलनमा उनले सो कुरा बताएकी हुन् । भूकम्पले क्षति पुर्याएको तातोपानी नाकालाई पुरानै अवस्थामा फर्काउन निकै मेहनेत गरिएको उनले जनाएकी थिइन् । उनले नाका खुल्ने तिथी भने सार्वजनिक गरिनन् ।

उनले चिनियाँ राष्ट्रपति सि जिनफिङ्गको भ्रमण उपयुक्त समयमा हुने जनाउँदै नेपालमा रेल ल्याउन अप्ठेरो भएपनि ल्याइने समेत बताइन् । -एजेन्सी