अन्धाधुन्ध गोली चलाएर सरकारी भवनमै १२ को हत्या

अमेरिकाको भर्जिनियास्थित एक सरकारी भवनमा बन्दुधकारीले अन्धाधुन्ध गोली चलाएर १२ जनाको हत्या गरेको छ । सो घटनामा अन्य ६ जना गम्भिर घाईते भएका हुन् ।

भर्जिनिया बिच म्युनिसिपल सेन्टरको भवनमा गोलीकाण्ड भएको अमेरिकी सञ्चार माध्यमले जनाएका छन् । आरोपित आक्रमणकारी सोही कार्यालयमा लामो समयदेखि कार्यरत कर्मचारी रहेको प्रहरीको भनाई छ ।

आक्रमणकारीको परिचय खुलाइएको छैन, तर जवाफी कारवाहीको क्रममा उनको ज्यान गएको प्रहरीले दावी गरेका छन् । नेपाली समय अनुसार शनिबार बिहान पौने दुई बजे घटना भएको हो ।

अमेरिकामा यो वर्ष भएको यो १५० औँ गोलीकाण्ड हो ।

- लाइभ मधेस