निःशुल्क एसइइ परीक्षा तयारी कक्षा समापन

रोयाण्टर मण्डल

सिरहा / सुखीपुर संचालित १५ दिने निःशुल्क एसइइ परीक्षा तयारी कक्षा समापन गरिएको छ । नगर सुधार समिति न.पा सुखीपुरको आयोजनामा संचालित तयारी कक्षाको शनिबार समापन गरिएको हो ।

सुखीपुर नगरपालिका वडा नम्बर ८ स्थित श्री जनता माध्यमिक विद्यालय सुखीपुरमा संचालित तयारी कक्षामा नगरभरका १ सय ५० जना विद्यार्थीको सहभागिता थियो । तयारी कक्षामा नगर भरका ख्याती प्राप्त शिक्षकहरुले अध्यापन गराउनु भएका थिए ।

 

तयारी कक्षाको समापन कार्यक्रमको प्रमुख अतिर्थी शत्रुधन प्रसाद चौधरीले यस प्रकारमा समाजका सुधार गर्ने नगर सुधार समितिलाई धन्यवाद दिदै व्यपार समितिको तर्फबाट सोही कार्यक्रममा तीन जनालाई सम्मान गर्नुभएको छ ।

 

सम्मान पाउनेमा नगर सुधार समिति सुखीपुरका संयोजक विपी भुवन यादव, प्रधानअध्यापक सत्य नारायण यादव, शिक्षक रतनेश भुषण, जितेन्द्र यादव रहेको छ ।
कार्यक्रममा अध्यक्षता विपी भुवन यादव र उदघोषण अनिल कुमार यादव (लाला) गर्नुभएको थियो ।