सिरहा प्रहरीलाई छक्याउँदै कार्यालयबाट ७ जना कैदी फरार

रोयाण्टर मण्डल

सिरहा / ईलाका प्रहरी कार्यालय लक्ष्मीपुर पतारीको हिरासतबाट आज साझ खाना खाने बेलामा ७ जना कैदी फरार भएका छन ।

 

थुनुवा गोबिन्द नेपाल, रियाज मियाँ, रामाशिष यादव, रबीन्द्र यादव, गणेश साह, नवीन यादव र सञ्जय यादव फरार भएका छन् । संजय बहुविवाह मुद्दामा र बाँकी सबै लागूऔषध सहित प्रहरी नियन्त्रणमा परेका थिए । भाग्ने क्रममा नाम नखुलेका एक थुनुवा भने पुनः प्रहरीले पक्राउ गरेका छन् ।

 

फरार भएको थाहा पाउने बितीकै शंकास्पत स्थानका साथै जिल्ला भरी नै प्रहरी परिचालन गरीएको जानकारीमा आएको छ । 

नियन्त्रण मा रहेको ८ जना थुनुवा साँझ खाना खाइरहेको अबस्था प्रहरी लाई छक्याउँदै भागेको जानकारी आएको नेपाल पत्रकार महासंघका केन्द्रिय सदस्य देव कुमार यादवले जानकारी गराउनुभयो ।