लहानका ब्यवसायी केशव महतोद्वारा एक महिनाको घरभाडा नलिने घोषणा

रोयाण्टर मण्डल
लहान / सिराहाको लहान नगरपालिकका ब्यवसायी केशव महतोले आफ्नो लहानमा रहेको घरमा बस्नेसँग एक महिनाको भाडा नलिने घोषणा गरेका छन् ।
लहान नगरपालिका – ६ शिवचौक स्थायी न्यु मनकामना ट्रेडर्स हार्डवेयर पसल सञ्चालन गर्दै आएका केशव महतोल ब्यवसायी केशव महतोले चैत महिनाको घरभाडा नलिने जनाएका हुन् ।

‘कोरोना संक्रमण फैलिने त्रासले मुलुक अहिले लकडाउन छ । नेपाल आर्थिक संकटमा गुज्रिरहेको छ,’ उनले भने, ‘यस्तो अवस्थामा नेपाल सरकारले घरभाडा छुट दिन आह्वान गरेको छ । धेरैले भाडा नलिने घोषणा गरिरहनुभएको छ । त्यही सन्दर्भमा मैले पनि एक महिनाको घरभाडा नलिने निर्णय गरेको छु ।’

आफ्नो घरका कोठा भाडामा लगाएको उनले बताए । ‘ कोठा भाडाबाट मासिक ८५ हजारका दरले भाडा लिने गरेको थिएँ, यो चैत महिनाको भाडा लिन्नँ,’ उनले भने ।