लकडाउनका बेला ढल्केवरको क्रसर उद्योगमा चोरी

 

ढल्केवर । कोरोना भाईरसको संभावित संक्रमणबाट जोगिन सरकारले लकडाउन घोषणा गरेको बेला धनुषाको मिथिलानगरपालिका ५ मा रहेको विपिन कुमार महतोको चुरियामाई वालुवा प्रसोधन उद्योगमा करिव ९ लाख रुपैयाँ वरावरको धनमाल चोरी भएको छ ।

गएको मंगलवार राती उक्त क्रशर उद्योगमा चोरी भएको हो । ईलाका प्रहरी कार्यालय ढल्केवरका अनुसार सो क्रसर उद्योगबाट विभिन्न सामान चोरी भएको विषयमा विहिवार जाहेरी परेको छ । क्रसर उद्योगका प्रोपाईटर विपिन कुमार महतोका पिता साधु महतो कोईरीले मिथिला नगरपालिका ५ का रामजीवन महतोले क्रसर उद्योगको सामाग्रि चोरी गरेको भन्दै कार्वाहीको माग गर्दै जाहेरी दिईएको हो ।

जाहेरीमा रामजीवनले पटकपटक क्रसरको विषयलाई पैसा माग गर्दै विवाद गरेको उल्लेख गरिएको छ । पिडित साधु महतो कोईरीले क्रसर चलाउन नपाएर ७ करोड घाटा लागिसकेको र घाटामा गएको क्रसरले कसरी मागेजति पैसा दिन सकिन्छ भनेर बताए ।

साधुले भने , क्रसरको सामान चोरेका रामरिजन महतो ज्यानै मार्ने सम्मको धम्बि दिएपछि बाध्य भएर जाहेरी दिनु परेको हो ।