तथ्यांकमा काेराेना भाइरस - COVID - 19

धरानको चारवटै नाका बन्द आयात हुने तरकारी, दुधमा पनि रोक

  • प्रकाशित मितिः बैशाख 6, 2077
  • दिनेश गजमेर
  • 166 पटक पढिएको

धरान । छिमेकी जिल्ला उदयपुरमा कोरोनाको संक्रमण देखिए पछि धरान उपमहानगरपालिकामा बसेको सुरक्षा बैठकले सबै नाकाहरु बन्द गर्दै बाहिरबाट आउने तरकारी, खाद्यान्नहरुमा समेत रोक लगाउने निर्णय गरेको छ ।

शुक्रबार उदयपुरको भुल्केमा १२ जनामा कोरोनाको संक्रमण देखिएको थियो ।

त्यसैले धरान उपमहानगरपालिकाको सुरक्षा समितीको बैठकले धरान प्रवेश गर्ने चारवटै नाकामा चेकजाँच कडाइ गर्ने र धरान भित्रिने खाद्यान्न तथा तरकारी लगायतको आयातलाई बन्द गर्ने निर्णय गरेको इलाका प्रहरी कार्यालय धरानका डिएसपी ढुण्डीराज न्यौपानेले बताए ।

उनका अनुसार बैठकले अनुमती पाएका धरानका ३ वटा डिपार्टमेन्ट स्टोर सहित कृषिजन्य उत्पादनको बजारीकरणका लागि होमडेलिभरी गर्नेहरुलाई छुट दिइएको छ ।

उनले भने, ‘तरकारी बजार, साना किराना पसलहरु बन्द हुन्छन्, बाहिर बाट आउने कुनै पनि वस्तुहरु प्रवेशमा रोक लगाइने छ ।’ बराहक्षेत्र, भरौल लगायतका स्थानहरु बाट आउने दुध पनि एउटै गाडिमा आए मात्रै प्रवेश दिइने, साइकल, मोटरसाइकलमा ल्याउनेलाई पनि रोक लगाएको उनको भनाई छ ।

बैठकले खाद्यान्न पसल बिहान ९ बजेसम्म खुल्न दिने पनि निर्णय गरेको छ ।

संक्रमण फैलनसक्ने सम्भावनालाई मध्यनजर गर्दै सुरक्षा सतर्ककताको लागि बैठक बसिएको उपमेयर मञ्जु भण्डारी सुवेदीले जानकारी दिइन् ।

सुरक्षित रहनको लागि धरानबाट बाहिरबाट आउने तरकारी, दुधलाई लक गर्ने निर्णय गरिएको उनको भनाई छ । आन्तरिक उत्पादनहरुको बजारलाई पनि व्यवस्थीत गरिएको उनले बताइन् ।

-पूर्वी ब्युरोबाट

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

Acid attack सम्बन्धि कानूनी व्यवस्था र सजाय

गुमस्ता कुमार यादव मुलुकी अपराध संहिता २०७४ मा Acid attack सम्बन्धि कानूनी व्यवस्था र सजाय : दफा १९३ :- तेजाब वा अन

सिरहाको लहानमा चोरी

प्रदिप सिंह लहान / सिरहाको लहान ३ डङ्गराहाटोलमा राति साढे १२ बजे चोरी भएको छ। लहान ३ का रासलाल सिंहको घरबाट

गाेइतको मृत्यु नभएर हत्या , सुखीपुरमा छानविनकाे मांग

ओम प्रकाश गुप्ता                                                   सुखीपुर । युवा इन्जि

सुचना तथा प्रसारण विभाग: ९७८–२०७५/७६

Copyright © 2013 / 2020 - Madheshspecial.com All rights reserved

प्रेस काउन्सिल नेपाल: २४६–२०७५/७६