सुखीपुर नगरपालिका ४ र ६ मा पनि राहत वितरण

रोयाण्टर मण्डल
लहान / कोरोना भाइरसको संक्रमण नियन्त्रण र रोकथामका लागि आहृवान गरिएको लकडाउनका कारण समस्यामा परेका परिवारलाई राहत वितरण गरिएको छ ।

सुखीपुर नगरपालिका वडा नम्बर ४ मा ४ सय र वडा नम्बर ६ मा ४ सय ५७ जना मध्य २ सय ५२ जनालाई आज मंगलवार राहत वितरण गरेको हो ।

 

दैनिक ज्याला मजदुरी गरेर बिहान बेलुकाको छाक टार्नुपर्ने मजदुर तथा विपन्न समुदायका मानिसलाई प्रति परिवार ३० किलो चामल र २ किलो नुन राहत वितरण गरिएको वडा अध्यक्ष राम लोभित यादवले जानकारी दिनुभयो ।

त्यसैगरी आजै सुखीपुर नगरपालिका वडा नम्बर ६ मा पनि दैनिक ज्याला मजदुरी गरेर बिहान बेलुकाको छाक टार्नुपर्ने मजदुर तथा विपन्न समुदायका मानिसलाई प्रति परिवार २६ किलो चामल र १ किलो नुन राहत वितरण गरिएको वडा अध्यक्ष रामेश्वर साहले जानकारी दिनुभयो ।