समाजसेवी लक्ष्मण चौधरीले अन्तिम दिन निःशुल्क भोजन खुवाएर दिनुभयो सम्पन्न रुप

रोयाण्टर मण्डल
लहान (सिरहा) । सुखीपुर नगरपालिका ८ का ब्यपारी र समाजसेवीहरुले लकडाउनका कारण समस्यामा परेका व्यक्तिहरुलाई निःशुल्क भोजनको कार्यक्रमको आज अन्तिम दिन साविक सुखीपुर गाविसको अध्यक्ष तथा समाजसेवी लक्ष्मण चौधरीले निःशुल्क भोजन खुवाएर कार्यक्रम सम्पन्न रुप दिनु भएको छ ।

 

सुखीपुर ब्यपार समितिको आयोजनामा आयोजित निःशुल्क भोजनको आज समाजवेवी चौधरीको अन्तिम भोजनमा लक डाउनबाट प्रभावितहरुलाई पोषणयुक्त खाना खुवाएर सम्पन्न भएपछि विपन्नहरु खुशिले गदगद भएका छन् ।

 

ब्यपार समितिले आफनै भवनको परिसरमा ९ दिन देखि सुखीपुरका ब्यपारी र समाजसेवीहरुलाई सामुहिक सहयोगमा निःशुल्क भोजन कार्यक्रम सम्पन्न गरेको सुखीपुर ब्यपार समितिका अध्यक्ष शत्रुधन प्रसाद चौधरीले जानकारी गराउनुभयो ।

 

वहाँले निःशुल्क भोजनमा भोजनको आर्थिक लगानी गर्ने ब्यापरी तथा समाजसेवीहरुमा आउने दिनमा पनि ब्यपार समितिले गर्ने कार्यमा सहयोग गर्नुहुने र विश्व महामारीको समयमा ब्यपार समितिको अहवानमा निःशुल्क भोजनको पुन्य कार्यमा सहयोग गर्ने सबैलाई धन्यवाद दिनुभएको छ ।

 

निःशुल्क खाना खुवाउने दाताहरुमा क्रमश ः बैशाख १७ कामेश्वर प्रसाद चौधरी ,१८ गते कृष्णा पुर्वे , १९ गते राज कुमार गुप्ता, २० गते भान्जा होटेल र राकेश साह, २१ गते प्रवीण कुमार महतो, २२ गते केशव प्रसाद चौधरी र छोरी कविता चौधरी, २३ गते किशोरी प्रसाद चौधरी र शत्रुधन प्रसाद चौधरी , २४ गते उमा प्रसाद चौधरी र आज अन्तिम दिन बैशाख २५ गते लक्ष्मण चौधरीले निःशुल्क भोजन खुवाएर कार्यक्रम सम्पन्न रुप दिनु भएको सहकर्मी रतनेश चौधरीले जानकारी गराउनुभयो ।

सहकर्मीका अनुसार विश्व महामारी कोभिड १९ कोरोना भाइरसले गर्दा लक डाउनबाट प्रभावित १५ सय देखि २ हजार जना प्रत्येक दिन विपन्नहरु खाना खुवाउदै आएको थियो ।