सिरहा नगरपालिकामा कोरोना नियन्त्रणका नाममा ब्रह्मलुट, अख्तियारले लियो कागजात कब्जामा

रोयाण्टर मण्डल
लहान / सिरहाको सिरहा नगरपालिकाको अख्तियार दुरुपयोग अनुसन्धान आयोग बर्दिवासले कागजात नियन्त्रणमा लिएको छ ।

नगरपालिकाले कोरोना नियन्त्रण तथा रोकथाममा खर्च गरेको रकममा चरम दुरुपयोग गरेको खुलेपछि अख्तियार दुरुपयोग अनुसन्धान आयोग बर्दिवासले आवश्यक कागजात नियन्त्रणमा लिएको हो ।

सिरहा नगरपालिकाले कोभिड १९ रोकथाम, नियन्त्रणको नाममा जिल्लास्तरीय कोभिड नियन्त्रण समितिलाई ५ करोड ९० लाख ८६ हजार ४ सय ३० रुपैयाँ खर्च गरेको विवरण सार्वजनिक गरेपछि उक्त विवरणमा रकमको चरम दुरुपयोग रहेकोले कागजात नियन्त्रणमा लिएको छ ।

अख्तियार दुरुपयोग अनुसन्धान आयोग बर्दिवासले कागजात नियन्त्रणमा लिइसकेको र त्यस सम्बन्धि कार्वाही प्रक्रिया सुरु भएको जानकारी गराए ।

अहिले पनि केही स्थानीय तहले कोरोना नियन्त्रणको नाममा गरेको खर्च गोलमाल भएको छैन भने सार्वजनिक गर्न आनाकानी गरि रहेको छ । गोलमाल भएको छैन भने सार्वजानिक गर्न किन आनाकानी ? कुन कुन शीर्षकमा खर्च गरेको हो विवरण सार्वजनिक गरी नागरिकबाट अनुमोदन गराउन स्थानीय सरकारलाई नेपाल पत्रकार महासंघका केन्द्रिय सदस्य देव कुमार यादवले आग्रह गरे ।

जनप्रतिनिधी र कर्मचारीले मनमर्जी खर्च गर्ने प्रवृति हावि हुँदा सिरहामा भ्रष्टाचार मौलाएको छ । विकास एवं समृद्धिको चिन्ता भन्दा पनि रकम कसरी कुम्ल्याउने भन्ने चिन्ता र चाँसो भएको स्थानीयहरु बताउँछन् ।

हामीले बजेट विनियोजन गरि दिएको कर्मचारीहरु नियम प्रक्रिया मिलाएर खर्च र भुक्तानी गरेको सिरहा नगरपालिकाका मेयर अशेश्वर प्रसाद यादवले बताए ।

के मा कति खर्च ?