सिरहामा कोरोनाबाट २ जनाको मृत्यु , कुल संक्रमित २ सय ७० जना

रोयाण्टर मण्डल
लहान / नेपालमा कोरोना भाइरस संक्रमणबाट सिरहामा मृत्यु हुनेको संख्या २ जना पुगेको छ भने देशभरमा समाचार तयार पर्दा सम्म ९६ मृत्यु भए सकेको छ ।

कोरोनाबाट सिरहामा विष्णपुर गाउँपालिक वडा नम्बर १ बस्ने वर्ष ४० का पुरुषको बिहीबार कोशी अस्पताल बिराटनगरको आइसोलेसनमा मृत्यु भएको छ भने साउन २२ गते बिहीवार गोलबजार नगरपालिका वडा नम्बर १२ वस्ने २१ बर्षीय युवकको धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा बिहीबार राति मृत्यु भएको थियो ।

४० वर्षीय पुरुषको टाइफाइड, ज्वरो, खोकी र श्वास–प्रश्वाससम्बन्धी समस्या भएपछि उपचारको बुधवार रातीे २ बजे विराटनगर स्थित रहेको कोशी अस्तालमा आइसोलेसनमा भर्ना भएर उपचारकै क्रममा बिहीबार साढे ७ बजे मृत्यु भएको छ । स्वाबको रिपोर्ट उनको मृत्युपछि कोरोना पोजिटिभ आएको कोसी अस्पतालका प्रवक्ता डा. लक्ष्मीनारायण यादवले बताउनुभयो ।

सिरहामा समाचार तयार पर्दा सम्म कुल संक्रमित २ सय ७० जना , मृत्यु २, निको भएको १ सय ९२ जना रहेको छ । देशभरीमा कोरोनामा जम्मा परीक्षण ४ लाख ८३ हजार ३८ जना, जम्मा संक्रमित २४ हजार ९ सय ५७ जना, कूल मृत्यु ९६ जना, निको भएको १६ हजार ८ सय ३७ जना रहेको छ । विश्वभरमा जम्मा संक्रमित २१,०६८,३४५ कूल मृत्यु ७५७,४४० निको भएको १३,९१७,९५९ भएको कोरोना नेपाल डट लाईभको तथ्यांकमा उल्लेख रहेको छ ।