नवराजपुर गाउँपालिकाको बजेट ३१ करोड, सडक र कृषिमा प्राथमिकता

रोयाण्टर मण्डल
सिरहा । सिरहाको नवराजपुर गाउँपालिकाले आर्थिक वर्ष २०७७/७८ का लागि ३१ करोड बढीको बजेट सार्वजानिक गरेको छ ।

गाउँपालिका चौथों गाउँ सभावाट पारित भएको नीति तथा कार्यक्रम आगामी आर्थिक वर्षका लागि ३१ करोड ३३ लाख ६० हजार ६ सय ७० रुपैयाँको बजेट सार्वजानिक गरिएको हो ।

जसमा ११ करोड ५६ लाख ८३ हजार ६ सय ६० रुपैयाँ , चालुतर्फ ८ करोड ४८ लाख ७७ हजार रुपैयाँ पुँजिगत खर्च र ११ करोड २८ लाख रुपैयाँ शसर्त अनुदान तर्फको बजेट विनियोजन गरिएको छ ।

गाउँपालिकाको अध्यक्ष विश्व मोहन यादवले सार्वजानिक कार्यक्रम अन्तर्गत आयोजित कार्यक्रममा गाउँपालिका गाउँ सभाबाट पारित बजेट प्रस्तुत गर्नुभयो ।

सडक निमार्णलाई पहिलो प्राथमिकतामा राख्दै गाउँपालिकाले कृषि, पर्यटन, शिक्षा, स्वास्थ्य, भाषा तथा संस्कृति ,समतामुलक र समृद्ध गाउँको अनुभूती लगायतका योजनाहरु अगाडि बढाउने विषय बजेटमा उल्लेख गरिएको नवराजपुर गाउँपालिकाको प्रमुख प्रशासकीय अधिकृत अमरेन्द्र कुसियैतले जानकारी दिनुभयो ।