जनमतका नगर अध्यक्ष चौधरीको उपचारको क्रममा मृत्यु

रोयाण्टर मण्डल
सुखीपुर (सिरहा) / जनमत पार्टीका लहान नगर अध्यक्ष विष्णु चौधरीको उपचारको क्रममा आज मृत्यु भएको छ ।

सवारी दुर्घटनामा परी घाइते भएका नेता चौधरीको मेडिसिटी अस्पताल काठमाण्डौ आज मृत्यु भएको वहाँको परिवारजनले जानकारी दिनुभयो ।

सिरहाको लहान स्थित लोकमार्गमा रोड क्रस गर्ने बेला दुर्घटनामा परी गम्भीर घाइते भएपछि विराटनगरमा उपचार सम्भव नभएपछि मेडिसिटि अस्पतालम काठमाण्डौमा उपचारका लागि लगिएकोमा उपचारकै क्रममा वहाँको निधन भएको हो ।

मृतक चौधरी जनमत पार्टीका लहान नगर अध्यक्ष रहनु भएका थिए । जसपा पार्टीका केन्द्रिय सदस्य राकेश झाले चौधरीको निधनले मधेशले एक कुशल मधेशवादी नेता गुमाएको बताउनुभयो ।