सुखीपुरको शिव चौकमा प्रहरी पोष्ट स्थापना

रोयाण्टर मण्डल
सुखीपुर (सिरहा) / सुखीपुर नगरपालिका वडा नम्बर ७ मा अस्थाई प्रहरी चौकी स्थापना गरिएको छ ।

सोमबार जिल्ला प्रहरी कार्यालय सिरहाको प्रहरी प्रमुख उमा शंकर पजियारको प्रमुख आतिथ्य र सुखीपुर नगरपालिकाको मेयर राम औतार यादवको अध्यक्षतामा अस्थाई प्रहरी पोष्टको उद्घाटन गरिएको हो ।

कार्यक्रममा बोल्दै प्रमुख अतिथी पजियारले भवन बनेको वर्षौ भयो । प्रक्रिया मिलाउन समय लागेकोले ढिलै भए पनि आज आफूले दिएको वचन पुरा गर्न पाउँदा खुशि भएको छु ।

अस्थाई प्रहरी पोष्ट बनाउन स्थानीयहरुको एकदमै ठुलो सहयोग रहेकोले प्रहरी साथीहरुले पनि साथी जस्तो ब्यवहार गरेर जनताको सुरक्षा दिन हरदम तयार रहन समेत वहाँले आग्रह गर्नुभयो ।

आज खुशिको दिन हो । मैले भवनको बजेट विनियोजन गरेको बेला देखेको सपना पुरा भयो । आफैले छुट्याएको वजेट र स्थानीयको सहयोगले बनेको भवन बनेपछि धेरै प्रयास गरे तर समयमा स्थापना गराउन सकेनौ । अहिले कानुन मन्त्री हाम्रै जिल्लावासी लिलानाथ श्रेष्ठ रहेको वहाँको प्रयासले तत्काल स्थापना हुन सफल भएको सुखीपुर नगरपालिकाका नगर प्रमुख राम औतार यादवले बताउनुभयो ।

यस भेगका मानिसहरुलाई सुरक्षा प्रत्याभुती होस् । अहिले गाउँघरमा केही युवाहरुलाई नाशाको लत परेकोले पोष्ट स्थापना भएपछि त्यस्ता युवाहरुको कमी आउने छन् । सुरक्षा दिनमा कुनै कमीकमजोरी हुन नदिई प्रहरीलाई वहाँले आग्रह गर्नुभयो ।
स्थापना कार्यक्रममा प्रहरी पोष्ट भवनका लागि जग्गादान दिने जग्गादाता राम कुमारी महतो, रामवृक्ष महतो, सुर्यनाथ साह र दर्पी मोचीलाई दौशला र मलाले प्रमुख अतिथी पजियार र नगर प्रमुख यादवले सम्मान गर्नुभएको छ ।

प्रहरी पोष्ट स्थापना भएपछि सुखीपुर नगरपालिका वडा नम्बर १०,७, ६ धनगढीमाई नगरपालिका वडा नम्बर ५, ६ र गोलबजार नगरपालिका वडा नम्बर १३ का वासीहरुले बढी लम्भावित हुने भएको यस क्षेत्रका स्थानीयवासीहरु खुशि भएका छन् ।

प्रहरी सहायक निरीक्षक प्रदीप कुमार यादवको नेतुत्वमा ८ जना प्रहरी जवानहरु रहने छन् । कार्यक्रममा स्वागत मनत्वय सुखीपुर नगरपालिका वडा नम्बर ७ का वडा अध्यक्ष विरेन्द्र महतो र उदघोषण ईलाका प्रहरी कार्यालय सुखीपुरका प्रहरी नायब निरीक्षक राम कुमार यादव र भवन उपभोक्ता समितिका अध्यक्ष राम अशिष महतोले गर्नुभएको थियो ।