ब्राउन सुगरसहित सिरहामा एक युवक पक्राउ

सिरहा । सिरहा प्रहरीले प्रतिबन्धित लागु पदार्थ ब्राउन सुगरसहित आज अपरान्ह एक युवकलाई पक्राउ गरेको छ ।

ईलाका प्रहरी कार्यालय माडर सिरहाबाट खटिएको प्रहरी गस्ती टोलीले अपरान्ह १२ बजेतिर सिरहा नगरपालिका १७ काली चौकबाट लागुपदार्थ ब्राउन सुगरसहित सिरहाको मिर्चैया नगरपालिका ५ का २६ बर्षीय मोहमद नियाज सेखलाई पक्राउ गरेको हो ।

पक्राउ परेका सेखको साथबाट १० ग्राम ५सय मिलि ग्राम ब्राउन सुगर बरामद् भएको र थप अनुसन्धान कार्य भईरहेको जिल्ला प्रहरी कार्यालय सिरहाका सूचना अधिकारी डीएसपी सुभाष बुढाथोकीले जानकारी दिए ।

सभार– गमक पोष्ट