औषधि पसलमा लागु औषध विक्री गर्ने दुई दाजुभाई पक्राउ

रोयाण्टर मण्डल
सिरहा / ईलाका प्रहरी कार्यालय गोलबजार र प्रदेश प्रहरीको संयुक्त टोलिले लागू औषध सहित सिरहामा दुई दाजु भाईलाई पक्राउ गरेको छ ।

 

पक्राउ पर्नेमा औषधि पसल संचालक गोलबाजर नपा ४ का ४६ वर्षिय जगदिश कुमार साह र ४३ वर्षिय दिलिप कुमार साह रहेको छ ।

 

साहले गोलबाजरमै संचालन गरेको औषधि पसलमा लागू औषध विक्री गर्दै आएको सुरकी पाएर प्रहरी टोलीले औषधि पसल र घरमा खान तलासी गर्दा प्रविन्धित बेनाड्रिल १३ थान, पेन्टाजोसिन इन्जेक्सन १ सय८८ थान र पेन्टाजोसिन ल्याक्टेड इन्जेक्सन २ सय ३० थान लागुऔषध बरामद गरेको छ ।

 

दुवै दाजुभाईलाई नियन्त्रणमा लिई लागुऔषध कारोवार मुद्दामा ७ दिनको म्याद थप गरि थप अनुसन्धान कार्य भईरहेको जिल्ला प्रहरी कार्यालय सिरहाका सूचना अधिकारी डीएसपी सुवास बुढाथोकिले जानकारी दिए।