आज कोहलपुरलाई गुटखाजन्य पदार्थ निषेधित क्षेत्र घोषणा गरिदै

१२ पुष २०७४ / कोहलपुर: बाँकेको कोहलपुर नगरपालिकाकालाई आजबाट गुटखाजन्य पदार्थ निषेधित क्षेत्र घोषणा गरिदै छ । नगरपालिकाको प्रथम नगरसभा २०७४ बाट पारित नीति तथा कार्यक्रम अनुसार नगरपालिकालाई गुटखाजन्य पदार्थ निषेधित क्षेत्र घोषणा गर्न लागिएको हो ।

नगरपालिकाकालाई गुटखाजन्य पदार्थ निषेधित क्षेत्र घोषणा गरिसकेपछि नगरक्षेत्रभित्र कुनै पनि सुर्ती, चुरोट, खैनीजन्य पदार्थ विक्रि वितरणमा रोक लगाइने छ ।

यदि कोही कसैले विक्रि वितरण गरेको पाइएमा पहिलो पटक नगरपालिकामा बोलाई सम्झाउने, दोस्रो पटक ५ सय जरिवाना, तेस्रो पटक हजार जरिवाना र चौथो पटक पनि विक्रि वितरण गरेको पाइएमा नगरपालिका तथा नगरक्षेत्रका अन्य कार्यालयबाट प्रदान गरिने सेवा सुविधा रोक्का गरिने कोहलपुर नगरपालिकाका प्रमुख लुट बहादुर रावतले जानकारी दिनुभयो ।

कार्यक्रम ११ बजे कोहलपुर खुल्ला मैदानमा हुने नगरपालिकाले जानकारी दिएको छ ।