निर्माण व्यवसायीले ढिलासुस्ती गरेपछि भोईलमा चक्का जाम

मनिष कुमार मण्डल
जनकपुरधाम / निर्माण व्यवसायीले ढिलासुस्ती गरेको भन्दै जनकपुर उप महानगरपालिका वडा नम्वर १८ स्थित भोईलका गाउँवासीहरु हुलाकी सडकमा चक्का जाम गरेको छ ।

 

सडक खण्ड अन्तरगत एक किलोमिटर सडक निर्माणका ठेकेदार कम्पनीले चरण लापरवाही गर्दा आफूहरुको आवत जावतमा कठिनाई भएको र सडकमा पानी , धुलो, धुवा प्रदूषण , खाल्डाखुल्डीका कारण आवत जावतमा समस्या भएको भन्दै उनीहरुले चक्का जाम गरेर विरोध जनाएका हुन् ।

आज सोमवार विहान ८ बजे देखि ११ बजे सम्म सडक जाम गर्नेभएपछि गाडीहरु रोकिएको छ । गाडीमा सबार यात्रुहरु समयमा गन्तव्यमा पुगन नसकेकोले यात्रुहरु दुखेसो पोख्नुभयो ।

 

सडकका ठाउँमा बनेका ठूला खाल्डामा पानीको दह जम्दा सवारी साधन र पेटीमा यात्रा गर्ने पैदल यात्रुले समेत सास्ती खेप्दै आएका छन् । जनताले दुःख पाएकैले सरोकार भएका निकायको ध्यानाकर्षण गर्न चक्काजाम गरिएको स्थानीय माघब मण्डलले जानकारी दिनुभयो ।