ठूलो परिमाणमा सालको काठ बरामद

विनोद मण्डल
सिरहा / डिभिजन बन कार्यालय लहान र मिर्चैयाका बन गस्ती टोलीको गस्ती टोलीले सोमबार राती ठूलो परिमाणमा चोरी–कटानी गरी लैजाँदै गरेको अवस्थामा सालको किरान काठ तथा साईकल बरामद गरेको छ ।

डिभिजन बन कार्यालयका जमदार भोगेन्द्र यादवको कमान्डमा खटिएकोको गस्ती टोलीले मिर्चैया नगरपालिकाको वडा नं ९ पुलिसपट्टा भन्ने ठाउँबाट ५१ थान ५० क्युबिक काठसहित पक्राउ गरेको हो ।

विशेष सूचनाका आधारमा शखुवा काठ ल्याउँदै गरेको स्थानमा पुगेपछि काठ तस्करहरु साइकल छोडेर भागेको र भारी मात्राको काठ नियन्त्रणमा लिएको डिभिजन बन कार्यालय लहानका डिभिजन बन अधिकृत शुभाश चन्द्र दासले जानकारी गराउनुभयो ।