सुखीपुरमा प्रथम मेयर कप : सिरहाले विराटनगरलाई ४–२ ले हरायो

रोयाण्टर मण्डल

सुखीपुर (सिरहा) / सुखीपुर नगरपालिकाको आयोजनामा प्रथम मेयर कप फुटवल टुनामेन्ट आईतवारबाट सुरु भएको छ ।
आयोजित प्रतियोगिताको पहिलो खेलमा सलहेश युवा कलब सिरहा र पुलिस कलब विराटनगर विच प्रतिस्पदा भएको थियो ।

प्रतिस्पदामा सलहेश युवा कलब सिरहाले पुलिस कलब विराटनगरलाई ४–२ ले हरायो । प्रतियोगितामा ८ टिम सहभागी छन् ।

मंसिर १ सम्म चल्ने प्रतियोगिता विजेताले ५१ र उपविजेताले ३१ हजार रुपैयाँसहित ट्रफी प्राप्त गर्नेछन् ।
सुखीपुर नगरपालिकाका मेयर राम औतार यादवले खेलको उद्घाटन गर्दै – युवालाई कुलतमा फस्न नदिन खेलकुद महत्वपूर्ण माध्यम भएको र स्वस्थ्य जीवनका लागि खेल अत्यावश्यक भएको बताउनुभयो ।

आज सोमवारको खेल सुखीपुर एफ.सी सिरहा र मोतीगढा युथ कलब उदयपुर विच हुने आयोजकले जानकारी गराउनुभयो ।