मेयर कपको उपाधि सलहेश युवा कलब सिरहालाई

रोयाण्टर मण्डल
सुखीपुर (सिरहा) / प्रथम मेयर कप फूटवल टूर्नामेन्ट २०७८ को उपाधि सलहेश युवा कलब सिरहाले जितेको छ ।

 

श्री जनता नमुना माध्यमिक विद्ययालय सुखीपुरको खेल मैदानमा शनिवार भएको फाईनल खेलमा सलहेश युवा कलब सिरहाले आयो गोरखाली बर्दीवासलाई २–१ को सेटमा (गोलले) पराजित गर्दै उपाधि विजेता बनेको हो । निकै प्रतिष्पर्धात्मक रुपमा सञ्चालन भएको खेलमा आयो गोरखाली बर्दीवास अन्तिम सेटमा जित निकाल्न सकेन ।

सुखीपुर नगरपालिका आयोजनामा सञ्चालन भएको टूर्नामेन्टमा जित हासिल गर्दै सलहेश युवा कलब सिरहाले नगद ५१ हजाररुपैयाँ पाएको छ । यस्तै, उपविजेता बनेको आयो गोरखाली बर्दीवासले ३१ हजार रुपैयाँ पुरस्कार पाएको छ । विजेता र उपविजेताले नगद पुरस्कार सँगै शिल्ड मेडल र प्रमाणपत्र पनि पाएका छन् ।

 

टूर्नामेन्टमा विजयीहरुलाई प्रमुख अतिथि सुखीपुर नगरपालिकाका नगर प्रमुख राम औतार यादव, विशिष्ट अतिथी सुखीपुर नगरपालिकाका उप मेयर रेनु देवी साह, नेकपा एमालेका नगर संयोजक देव नरायण यादव , सुखीपुर नगरपालिका वडा नम्बर ८ का वडा सदस्य महेश साह र प्रथम मेयर कप फूटवल टूर्नामेन्ट २०७८ का अध्यक्ष सन्तराम मण्डलले पुरस्कार प्रदान गरे ।

नोट : यस मधेश स्पेशल अनलाईन डटकमको प्रकाशित/प्रसारित सामग्रीलाई “साभार ः मधेश स्पेशल डटकम उल्लेख गरिदिनुहुन अनुरोध गर्दछौं । धन्यवाद