युवा संघ सिरहामा शर्मा सर्व सहमत 

रामजी प्रजापती
लहान । सिरहाको नेकपा एमाले निकट भातृ संगठन युवा संघको जिल्ला नेतृत्वमा जय प्रकाश शर्मालाई सर्व सहमत चयन गरिएको छ ।

सिरहामा आयोजित युवाहरुको एक भेलाले शर्मालाई प्रमुख जिम्मेवारी दिएको नेता रामकुमार शाहले बताउनु भएको छ ।

 

धनगढीमाई १२ सिमलटोकी घर भएका युवा शर्मा विगत लामो समयदेखि नेकपा एमालेको संगठनमा आबद्ध भएर काम गर्दै आएका छन् ।

 

पार्टीमा अशल नेतृत्व क्षमता भएका दूरदर्शी सहनशील नेताको रूपमा परिचित शर्माले समाजमा आएका कठिनाई र आपत विपतमा परेका गरीब ,विपन्नलाई सहयोग गर्दै आएका छन् भने उनले स्थानिय स्तरमा दलितको लागि शौचालय निर्माण गरिदिएर चौतर्फी नाम कमाएका छन् ।

 

खासगरी उनको नेतृत्व क्षमताको मूल्यांकन गर्दै युवाको गरिमामय पदको जिम्मेवारी दिएको प्रभावशाली नेता शिवशंकर महतोले बताए ।

उनको नेतृत्वबाट जिल्लामा नेकपा एमालेको राम्रो जनलहर आउनेमा जिल्ला बासी विश्वस्त बनेका छन् ।