अहिलेको प्रतिगामी संविधान संशोधन गर्नुपर्छ : उपेन्द्र यादव

रोयाण्टर मण्डल
सिरहा । जनता समाजवादी पार्टीका अध्यक्ष उपेन्द्र यादवले अहिलेको संविधान प्रतिगामी रहेकोले संशोधन गर्नुपर्ने बताएका छन् ।

 

विहीवार सिरहाको औरही गाउँपालिका वडा नम्बर ३ करहबामा जनता समाजवादी पार्टी औरहीको आयोजनामा वृहत पार्टी प्रवेश समारोहलाई सम्बोधन गर्दै अध्यक्ष यादवले यो संविधान भन्दा पहिले नेपालमा अन्तरिम संविधान थियो । त्यो अन्तरिम संविधानलाई जलाएपछि मधेशमा मधेश विद्रोह भयो । मधेश विद्रोहकै कारण मधेशी, जनजाती, दलित र पिछडा वर्गको अधिकार मांगहरु लेखियो तर लेखिएको अधिकांश अधिकारलाई पनि हटाएर लेखिएको संविधान प्रतिगामी रहेकोले संविधान संशोधन अविलम्ब गर्नुपर्ने बताए ।

समुदायको जनसंख्याको अधारमा समावेशी समानुपातिक लगायतको अधिकारलाई समाप्त गरी अहिलेको संविधान लेखिएको छ । अब सबै जात–जाति तथा समुदायको मांगलाई सम्बोधन गर्नेगरी संविधान संशोधन गर्न लगाउने एक मात्र जनता समाजवादी पार्टी नै रहेको उनले दावी गरे ।

 

कार्यक्रमका प्रमुख अतिथी समेत रहेका अध्यक्ष यादवले अहिलेको निर्वाचन प्रणाली र शासकीय स्वरुप समेत परिर्वतनगरी समानुपाति प्रणाली बनाउनुपर्छ । समानुपातिक प्रणालीमा चुनावमा न त पार्टीको खर्च हुन्छ न त उम्मेदवारको तर अहिलेको निर्वाचन प्रणालीमा गरिब वर्गलाई चुनाव लडन कठिन भईरहेको बताए ।