नगर प्रमुखद्वारा सुखीपुर नगरपालिकाको भवन उद्घाटन

रोयाण्टर मण्डल
सिरहा । सुखीपुर नगरपालिकाको नयाँ प्रशासनिक भवनको सोमबार सुखीपुर नगरपालिकाका नगर प्रमुख राम अवतार यादवले उद्घाटन गर्नु भएको छ ।

सुखीपुर नगरपालिका वडा नम्बर ८ स्थित गोरु बजारको चौरमा नगरपालिकाको सुविधा सम्पन्न नयाँ प्रशासनिक भवनको निर्माण गरिएको छ ।

भवन उद्घाटन गर्दै नगर प्रमुख यादवले नयाँ प्रशासनिक भवनबाट सेवाग्राहीलाई हुने सेवा प्रवाह प्रभावकारी र सेवाग्राही मैत्री बन्नुपर्ने बताउनुभयो ।

कार्यालयबाट हुने कार्य सम्पादनबाट सेवाग्राहीको सन्तुष्टि, सेवा प्रवाहमा सेवाग्राहीको धारणा, कर्मचारीको कार्यसम्पादन मुल्यांकन सबै पक्षलाई सहि ढंगबाट अगाडी बढाउन आवश्यक रहेको बताउनुभयो ।

कार्यक्रमको प्रमुख अतिथीमा लुम्बिनी प्रदेशका पुर्व प्रदेश प्रमुख श्री धर्मनाथ प्रसाद यादवले नगर प्रमुखको कार्यकालमै भवन निर्माण भएकोले खुशी भएको बताउनुभयो ।

उद्घाटन कार्यक्रममा  वडा अध्यक्षहरु कार्यपालिका सदस्य, नगर सभा सदस्य, नगरपालिकाका कर्मचारी, शिक्षक, राजनीतिकर्मी , बुद्धिजीवी लगायतको उपस्थिती रहेको थियो ।

 

स्वागत मन्तव्य सुखीपुर नगरपालिकाका वडा नम्वर ७ का वडा अध्यक्ष विरेन्द्र महतोले गर्नुभएको थियो भने उद्घोषण सुखीपुर नगरपालिकाका कर्मचारी अन्देश्वर मण्डलले गर्नुभयो ।

 

निर्माण कार्य भवनको स्ट्रकचर सम्बन्धी लगभग सम्पूर्ण कार्य सम्पन्न भएको सुखीपुर नगरपालिकाका प्राविधिक शाखाले जानकारी गराउनुभयो ।