सुखीपुरमा विभिन्न पार्टी परित्याग गरी नेकपा एमालेमा प्रवेश

रोयाण्टर मण्डल
सुखीपुर (सिरहा) । विभिन्न पार्टी परित्याग गरी सिरहाको सुखीपुर नगरपालिकामा ३ दर्जन भन्दा बढी जनाले नेकपा एमाले पार्टीमा प्रवेश गरेका छन् ।

 

जसपा, बैध समुह र कांग्रेस पार्टी परित्याग गरी नेकपा एमाले पार्टीमा प्रवेश गरेका छन् ।

सुखीपुर नगरपालिकामा सबै तर्फबाट नेकपा एमाले मजबुत रहेकोले यस स्थानीय तहमा अझै सशक्त बनाउँन आफ्नों पहल हुँने प्रवेशीहरुले प्रतिबद्धता ब्यक्त गरेका छन् ।

 

सुखीपुर नगरपालिकाको वडा नम्बर ८ र ५ मा नेपाली काँग्रेस र जसपा पार्टी छाडेर आउँनेलार्ई  नेकपा एमालेका मधेस प्रदेशका अध्यक्ष तथा सुखीपुर नगरपालिकाका नगर प्रमुख राम औतार यादवले अबिर लगाएर पार्टीमा प्रवेश गराएका नेकपा एमालेका सुखीपुर नगर सचिव विन्दे यादवले जानकारी गराउनुभयो ।

पार्टी प्रवेश कार्यक्रमलाई सम्बोधन गर्दै नेकपा एमालेका मधेस प्रदेशका अध्यक्ष तथा सुखीपुर नगरपालिकाका नगर प्रमुख राम औतार यादवले सुखीपुरमा मात्रै होईन प्रदेशभरी एमालेलाई एक्कलै ठक्कर दिने कुनै पार्टी नरहेकोले जनताको पार्टी नेकपा एमाले नै रहेको बताउनुभयो ।

उनले यस सुखीपुर जस्तै देशभरी नेकपा एमाले नैं सहि हो भन्दै पार्टी प्रवेश गर्ने लहर चलेकोले पर्मादेशबाट हटाइएको नेकपा एमालेको सरकार जनादेशबाट पुन : नेतृत्वमा आउँने बताउनुभयो ।