सुखीपुर नगरपालिकामा पुनः राम औतार यादव विजयी भएपछि विशाल विजयी जुलुस

रोयाण्टर मण्डल
लहान / सिरहाको सुखीपुर नगरपालिकामा नेकपा एमालेले विजयी जुलुस निकालेको छ । सुखीपुर नगरपालिकामा पुनः राम औतार यादव विजयी भएपछि समर्थकहरुले विशाल जुलुस निकालेका हुन् ।

निकटतम प्रतिद्वन्द्वी जसपाका उम्मेदवार जिवछ यादवलाई १३२२ मतान्तरले पराजित गर्दै यादव विजयी भएका हुन् । जसपा उम्मेदवार जिवछ यादवले ३११२ मत पाए ।

स्थानीय तहको दुई निर्वाचनमा नेकपा एमालेबाट यादवले दोस्रो पटक नगरपालिकाको प्रमुख पदमा विजय प्राप्त गरेको हो । सुखीपुरमा एमालेले पाँचवटा वडासमेत जित्न सफल भएको छ ।

वडा नम्वर २ मा हरि नारायण यादव, वडा नम्वर ५ मा रामपुजन कामती, वडा नम्वर ६ मा रामेश्वर साह (रामु) , वडा न ७ मा सुरेन्द्र यादव र वडा नम्वर १० मा देव नारायण यादवले वडाध्यक्षमा जितेका छन् ।
फोटो