आँपको राजधानीमा विषादी भारतीय आँप खुल्याम विक्री

मनिषा कुमारी मण्डल
सुखीपुर / आँपको राजधानी मानिने सिरहामा अहिले भारतीयहरु साईकलमा भारतबाट स्वास्थ्यको दृष्टिकोणले हानिकारक मानिने कार्बाइड प्रयोग गरेर पकाइएको आँप बिक्री वितरण गरी रहेको छ ।

 

अहिले किसानको बगैँचामा आँपको साईज नै छोटो रहेको छ । पाक्ने कुरै भएन् तर भारतीयहरु सिमावती गाउँ गाउँमा साईकलमा आएर मिठो आँप भन्दै प्रतिकिलो २ सय रुपैयाँको दरले विक्री वितरण गर्दै आएको छ तर मानव शरिरलाई नै हानी गर्ने आँप विक्री वितरणमा कसैको रोकथाम छैन् । खुल्याम विक्री वितरण गर्दै आईरहेको छ ।

 

आँप असारको दोस्रो सातापछि मात्र पाक्ने गर्छन तर आफु भारतीय बताउने नाम खोलन नचाहेको एक भारतीय ब्यपारीले दिनको सय केजी आँप विक्री गरिरहेको जानकारी गराउनुभयो ।

 

सय केजी आँपको विक्रीबाट दिनको ३ हजार फैईदा भैरहेको छ । यो त एउटा साईकलमा ब्यापर गर्ने ब्यापरीको मात्र भनाई मात्र हो तर सिरहाको लहान, गोलबजार, मिर्चैया लगायतका फलफूलका गोदाममा कार्बाइड प्रयोग गरी पकाएका आँप खुल्याम बिक्री भइरहेको छ । न त गुणस्तर जाँच गर्ने निकाय केही बोलेका छन्, न त सम्बन्धित ठाउँका स्थानीय सरकारले । आँखाकै अगाडी विक्री हुदाँ पनि किन बेखर छ ?

यस आँपको बारेमा सुखीपुर नगरपालिका वडा नम्बर ८ मा स्वास्थ्य चिकित्सक मुरली प्रसाद महतोले विषादी प्रयोग गरेर पकाइएको आँप स्वास्थ्यका लागि हानिकारक हुने भएकाले खान नहुने बताएका छन् ।