सुखीपुरका आगलागी पिडितलाई राहत सामाग्री सहयोग

रोयाण्टर मण्डल
सुखीपुर (सिरहा) /  सिरहाको सुखीपुर नगरपालिकामा आगलागीबाट पिडित भएको परिवारलाई राहत सामाग्री सहयोग गरिएको छ ।

 

सुखीपुर नगरपालिका नगर प्रमुख तथा नेकपा एमालेका मधेश प्रदेश अध्यक्ष राम औतार यादवले आगलागी पिडित परिवारलाई खाना पकाउने भाडाकुडा र सुखीपुर नगरपालिका वडा नम्बर १० वडा अध्यक्ष तथा नेकपा एमालेका नगर अध्यक्ष देव नारायण यादवले चामल, दाल, तेल लगायत खाद्य सामाग्रि भाडाकुडा, खाना पकाउने र साबुन मास्क तेल सहयोग गरिएको हो ।

 

समस्या परेको बेला सहयोग पाउदा ठुलो सहयोग भएको पिडित राम उदगार यादवले बताउनुभयो ।

 

नगर प्रमुख यादवले आगलागीबाट घरबार बिहिन भएपछि तत्कालका लागि हामीहरु राहत सहयोग गरे पछि नगरपालिका र अभियान अन्तर्गत सहयोग गर्ने बतानुभयो ।

 

बुधवार साँझ सुखीपुर नगरपालिका वडा नम्बर ३ कुशहामा आगलागी हुदाँ ५० लाख बढीको क्षति भएको जिल्ला प्रहरी कार्यलय सिरहाले जनाएको छ । घरको विद्युत सट हुदाँ आगो लागेर करेन्ट लागने डरले आगो नियन्त्रण समस्या तथा नजिकमा वारुण यन्त्र नहुदाँ ठूलोरुप लिएको प्रहरीले जनाएको छ ।

 

आगो नियन्त्रण गर्न नसक्दा ठूलो क्षति भएको आगो नियन्त्रणमा जुटेका स्थानियले बताएका हुन् । आगलागि बाट घरबारबिहिन भएका परिवार बिच्चलीमा परेका छन् । घर मात्र नभई घरमा भएको सबै सम्पत्ति जलेर खरानि भएपछि बिच्चलीमा रहेको स्थानिय नेकपा एमालेका नगर सचिव विन्दे यादवले जानकारी गराउनुभयो ।

शरिरमा लगाएका लुगा बाहेक सबै जलेर खरानि भएका छन्, कहाँ बस्ने के खाने चिन्ता भएको अग्नि पिडित तथा नेकपा एमाले पार्टीको वडा कमिटी अध्यक्ष राम उदगार यादवले बताउनुभयो ।

सुखीपुर नगरपालिकामा वारुण यन्त्र नहुदाँ आगो नियन्त्रणमा समस्या हुने गरेकोले वारुण यन्त्र एकदमै आवश्यकता रहेको छ । एक्लो ब्यवस्थापनमा समस्या भए सुखीपुर नगरपालिका , बरियारपट्टी गाउँपालिका र औरही गाउँपालिका सयुक्त लगानीमा खरिदगरी ब्यवस्थापन गर्नुपर्ने स्थानीयहरुको मांग रहेको छ ।