​कम उमेरमै कपाल फुल्न थाल्यो ? यसो गर्नुहोस्

माघ ८, २०७४ / काठमाडौं: बुढ्यौली लाग्दै गएपछि कपाल फुल्नु सामान्य हो तर आजभोलि सानै उमेरमा कपाल फुल्न थालेको छ । शरीरमा आवश्यक भिटामिन र खनिजको कमीका कारण वा उमेर बढ्दै जाँदा एक विशेष पिग्मेन्टमा कमी आउँछ र कपाल फुल्न थाल्ने पोषणविद् डा संगीता मालूले बताए ।

कपालको जरामा भएका कोशिकाहरूमा भएका मेलेनिन नामक पिग्मेन्टमा कमी आएपछि कपाल सेतो हुन थाल्छ । मेलेनिनले कपाललाई कालो राख्छ । वातावरण प्रदूषण तथा तनावका कारणले मेलेनिन घट्छ ।

यस्ता छन् फुलेको कपाल सेतो बनाउने केही उपायः
सातवटा करी पात सर्स्युँको तेलमा हालेर तताउनुहोस् । अनि अलिक सेलाएपछि त्यो तेलले टाउको मालिश गर्नुहोस् । बराबर मात्रामा भृंगराज र अश्वगन्धाको धूलो नरिवलको तेलमा मिसाउनुहोस् । राति सुत्नुभन्दा दश मिनेटअगाडि यसले टाउकोमा मालिश गर्नुहोस् । यो उपाय एक हप्तासम्म प्रयोग गर्नुहोस् । यसो गर्नाले कपाल कालो हुन्छ ।

कपालको जरामा गाईको घिउ हप्ताको तीनचोटि दल्नुहोस् । घिउ दलेको १५ मिनेटपछि श्याम्पू लगाउनुहोस् । कपाल छिट्टै कालो हुन थाल्छ ।

जैतूनको तेल हल्का तताउनुहोस् अनि त्यसमा कपूर हालेर कपाल मालिश गर्नुहोस् । पन्ध्र मिनेटपछि श्याम्पू लगाएर पखाल्नुहोस् ।

आधी कचौरा दहीमा एक चम्चा नून र मरिचको धूलो हालेर कपाल मालिश गर्नुहोस् । पन्ध्र मिनेटपछि श्याम्पू लगाउनुहोस् ।

कागतीको रसमा अमलाको धूलो हालेर कपालको जरामा मालिश गर्नुहोस् । पन्ध्र मिनेटपछि श्याम्पू गर्नुहोस् । हप्तामा दुईचोट यसो गर्नाले कपाल कालो हुँदै जान्छ ।