निगमलाई टेरेनन् ट्यांकर चालकले, तेल अपचलन गर्न नपाएपछि ढुवानी रोकियो

चैत्र १, २०७४ / झापा: झापामा नेपाल आयल निगमले हिजोदेखि औपचारिक रुपमा पेट्रोलियम पदार्थ बोक्ने ट्याङ्करमा ‘लकिङ प्रणाली’ लागू गरे पनि चालकले असहयोग गरेका छन् । जसका कारण निगमलाई आफ्नो दुई वर्षअघिको निर्णय कार्यान्वयन गर्न असहज भएको छ । लामो समयदेखिको पूर्वनिर्धारित कार्यक्रमबमोजिम निगमले हिजो झापाको चारालीमा एक औपचारिक कार्यक्रम आयोजना गरी मेची अञ्चलमा पेट्रोलियम ढुवानी गर्ने ट्रकरट्याङ्करमा ‘लकिङ प्रणाली’को औपचारिक शुभारम्भ गरेको थियो । तर, सरकारको सो निर्णयलाई असहयोग गर्दै यहाँका चालकरमजदुरहरुले ढुवानी नै ठप्प पारेका छन् ।

ढुवानी ट्याङ्करबाट बाटैमा तेल चोरी हुने प्रवृत्ति मौलाएपछि त्यसलाई रोक्न निगमले लकिङ प्रणाली अवलम्बन गरेको थियो । भारतीय आयल निगमको सिलिगुढी डिपोबाट पेट्रोलियम ढुवानी हुने मेची अञ्चलका झापा, इलाम, पाँचथर र ताप्लेजुङमा चल्ने ट्रकरट्याङ्करमा लकिङ प्रणाली लागू गरिएको थियो । हिजो चारालीमा आयोजित कार्यक्रममाा भारतीय आयल निगमका प्रमुख एसएस बोस र निगमका कार्यकारी प्रमुख सुशिल भट्राईले सो प्रणालीको औपचारिक शुभारम्भ गर्नुभएको थियो ।