बिपन्न समुदायमा निशुल्क स्वास्थ्य शिबिर सम्पन्न

सुखीपुर समाचारदाता
सिरहा, ७ चैत / पुर्व क्षेत्रीय प्रहरी अस्पतार (ठाकोदेवी जोगेन्द्र भगत ) रुपनी सप्तरीको आयोजनामा निशुल्क स्वास्थय शिबिर सम्पन्न भएको छ । आज बुधवार लाहान नगरपालीका वार्ड नम्बर १ स्थित श्री माध्यमिक विद्यालय मटेर्वा लहानमा १ दिने निशुल्क स्वास्थ्य परिक्षण गराएको हो ।
शिबिरमा पुर्व क्षेत्रीय प्रहरी अस्पताल रुपनी सप्तरीका अस्पताल प्रमुख मेडिकल अधिकृत प्रा.प्र.नि. डा.श्यामकृष्ण लौडारीको नेतृत्वमा करिब महिला २४५ र पुरुष १७० गरी जम्मा ४१५ जना मुसहर,दलित र बिपन्न बर्गका सर्वसाधारणहरुको जनरल मेडिसिन सेवा,बालरोग सेवा, दन्त चिकित्सा सेवा,फार्मेसी सेवा, स्त्री तथा प्रसुती सेवा लगायतको परिक्षण गरिएको थियो ।
शिबिरमा लाहान नगरपालीकाका वडा नम्बर १,२,३ र ४ वडाका मुसहर,दलित र बिपन्न बर्गका सर्वसाधारणहरुको परिक्षण गर्दा सबैलाई निशुल्क औषधी वितरण गरिने समेत अस्पतालले जानकारी गराएको छ । शिविरमा डेन्टल अधिकृत प्रा.प्र.नि. डाक्टर ज्ञानेन्द्र चौधरी, म.क्षे.प्र.ता.के. दुधौलीका प्रा.प्र.नि.डाक्टर बिदुर प्रसाद आचार्य लगायतका स्वास्थ्यकर्मीले स्वास्थ्य परिक्षण गरी औषधी वितरण गरेका थिए ।