सिरहाका किसानहरु तरकारी खेतिमा आत्मर्निभर बन्दै

महेश सिंह महतो
लहान । सिरहाको किसानहरु आफुले उत्पादन गरेको तरकारी खेतिबाट यहाँका किसानहरु आत्मर्निभर भएपछि ३० हजार भन्दा बढी किसानका परिवार लाभावित भै रहेको छ । जिल्लामा सबभन्दा बढी तरकारी फुलकाहाकट्टी गाविसमा उत्पादन हुने गरेको छ । आफुले उत्पादन गरेको तरकारी पूर्व पश्चिम राजमार्ग अन्तर्गत सिरहा जिल्लाको धनगढी लहान पडरिया, छपाराडी, गोलबजार, चोहर्वा, मिरचैया, घुर्मी, बन्दीपुर बस्तीपुरमा लाग्ने साप्ताहिक हाटबजारमा प्रति महिना करिब २ करोड मूल्य बराबरको तरकारी विक्री हुने गरेको छ । जिल्ला कृषि विकास कार्यालय सिरहाका अनुसार यहाँका किसानहरु व्यावसायिक रुपमा तरकारी खेती गरी उत्पादन भएको तरकारी मध्ये २५ प्रतिशत तरकारी भारतीय बजारमा लगी विक्री गर्ने गरेको छ । अत्यधिक मात्रामा तरकारी उत्पादन हुन थालेपछि सिरहाका युवाहरु वैदिशिक रोजगारको लागि अरब मुलुक जान छाडी तरकारी खेतीमै लागेको एक सिरहाका अगुवा किसान बलदेब महतोले जनाए । सिरहाका किसानहरु धान तथा गहु खेतीको समयमा पनि बेमौसमी तरकारी खेतीमा हौसिएका छन् । सिरहाको किसानहरुले तरकारी खेतीलाई नगदेबालीको रुपमा लिन थालेको छ । किसानहरुलाई समय समयमा तालिम, उन्नत प्रकारको विउ वितरण तथा प्राविधिक सल्लाह दिदै आइ रहेको जिल्ला कृषि विकास कार्यालय सिरहाले जनाएको छ ।