उसुका कोचलाई आर्थिक सहयोग

  • प्रकाशित मितिः श्रावण 9, 2075
  • मधेश स्पेशल
  • 882 पटक पढिएको

धरान/ दुवै मृगौलाले काम नगरेपछि नियमित डाइलाइसिस गराइरहेका उसुका पूर्व खेलाडी तथा स्वयम्सेवी प्रशिक्षक बिकी राईलाई धरान– ८ स्थित सिद्धार्थ पुस्तकालयले आर्थिक सहयोग गरेको छ ।

पुस्तकालयका सदस्यसमेत रहेका राईको धरान–१५ स्थित घरमा पुगेर पुस्तकालयका पदाधिकारीले सहयोग गरेका हुन् । राईको भारतमा मृगौला प्रत्यारोपणको तयारी भइरहेकाले आार्थिक सहयोग गरिएको पुस्तकालयका अध्यक्ष विसनसोर राईले जानकारी दिए । उनका अनुसार पुस्तकालयले ५१ जार २० रुपैयाँ सहयोग गरेको हो । यो रकम पुस्तकालयको कोष र पदाधिकारीबाट संकलन गरिएको हो ।

राईको मृगौला प्रत्यारोपण भारतमा गर्ने तयारी भइरहेको छ । यसको लागि कम्तीमा २० लाख र थप मासिक १८ हजार भारु खर्च लाग्नेछ । कुनै भरपर्दो आर्थिक स्रोत नभएका राईको उपचारमा अहिलेसम्म १० लाख खर्च भइसकेको छ । ऋणपान गरेर उपचार तथा मृगौला प्रत्यारोपणको तयारी उनको परिवारले गरिरहेको छ । अहिले सातामा २ पटक डाइलाइसिस गराउनु परिरहेको छ । उनले अढाइ दशक खेलकुदमा बिताएका छन् । खेलाडीको रूपमा करिब १४ वर्ष र प्रशिक्षकको रूपमा १० वर्षभन्दा बढी समय बिताएका छन् ।

खेलमा समर्पित प्रशिक्षक भए पनि उनी जागिरे भने होइनन् । उनी स्वयम्सेवी प्रशिक्षक हुन् । आफ्नो जीवन नै खेलकुदमा बिताए पनि उनलाई राष्ट्रिय खेलकुद परिषदले सामान्य जागिरसमेत दिएको छैन । खेलकुदको लागि आफ्नो जीवन समर्पण गरेका व्यक्तिको उपचारमा आर्थिक समस्या भएको सुनेर थोरैै भए पनि सहयोग गरिएको पुस्तकालयका उपाध्यक्ष कृष्ण राईले बताए ।

उनले भने, ‘उहाँ हाम्रो पुस्तकालयको परिवारभित्रकै हुनुहुन्छ, त्यसैले आफ्नो परिवारको सदस्यलाई परेको समस्यामा साथ दिन आएका हौं ।’ प्रशिक्षक बिकी पुस्तकालयका सदस्य हुन् भने उनकी श्रीमती गंगा पुस्तकालयकी सहसचिव हुन् ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

प्रदेशकै नमुना उपभोक्ता समिति , स्टिमेट भन्दा बढी काम गरेता पनि बचत भयो ९ लाख ३५ हजार रुपैयाँ

विन्दे यादवसुखीपुर (सिरहा) / नेपालमा भ्रटाचार भए रहेको खवर बारम्बार संचार माध्यमबाट समाचार सुनी रहनु हुन्

विद्यापति पुरस्कार पाउने पाँच जना स्रष्टाहरुको नाम सार्वजनिक

विन्दे यादवसुखीपुर (सिरहा) । नेपाल विद्यापति मैथिली भाषा साहित्य पुरस्कार साहित्यकार रमेश रञ्जन झालाई प्

सुखीपुरमा नेकपा एमाले र नेपाली काँग्रेस बीचको गठबन्धन विजयी

रोयाण्टर मण्डलसिरहा । सुखीपुर नगरपालिकाको नगर कार्यपालिका चुनावमा नेकपा एमाले र नेपाली काँग्रेस बीचको

सुचना तथा प्रसारण विभाग: ९७८–२०७५/७६

Copyright © 2013 / 2022 - Madheshspecial.com All rights reserved

प्रेस काउन्सिल नेपाल: २४६–२०७५/७६